Kababaihan sa Kasaysayan

Suffrage Amendment

Ang masidhing pakikipaglaban ng mga kababaihan sa kanilang karapatan upang bumoto.

Mabel Vernon: We are called the Iron Jawed Angels. Is that supposed to be an insult? Oh, and Carrie Catt told the Times that we were no better than anarchists and draft dodgers.

Maituturing ito na isa sa mga pinakamalaking tagumpay ng kababaihan sa kasaysayan dahil natamasa nila ang kalayaan na ipahayag ang kanilang saloobin at makiisa sa pagpili ng mga susunod na lider ng bansa. Ngunit lingid sa kaalaman ng nakararami na bago pa man makamit ang tagumpay na ito ay milyung-milyong kababaihan dito sa Pilipinas at sa buong mundo ang nagsakripisyo at nagbuwis ng buhay upang matamo ang kalayaan na iparinig ang kanilang boses at karapatan sa pamahalaan at ibang kasapi ng lipunan.

Ang pelikulang Iron Jawed Angels (2004), ay hango sa istorya ng pakikipaglaban ng kababaihan sa karapatan nila para bumoto na pinangunahan nina Alice Paul and Lucy Burns. Ito ay pagsasadula ng mga totoong pangyayari sa pagkakaisa ng mga kababaihan upang ipahayag ang pagnanais nila na makamit ang pagbabago sa bulok na sistema ng pamahalaan at maling pakikitungo sa mga kababaihan. Ang pagkakabuo ng National Woman’s Party (NWP), ay isang patunay na kasabay ng pagunlad ng lipunan ay ang paglawak ng kaisipan ng kababaihan na maging parte ng paghubog ng magandang kinabukasan. Makakamit lamang ito sa pamamagitan ng pagpapahayag ng kanila kaisipan sa kung sino ang karapatdapat ng mamuno sa bansa. Higit sa lahat, ang pagkakaisang ito ay nagpapakita ng kagustuhan ng mga kababaihan na wakasan ang mababa na pagtingin sa kanila ng kalalakihan. Kabahagi ng kanilang tungkulin bilang babae ang maging magaling na may bahay at responsableng ina na nagaalaga ng mga anak. Ngunit, hindi dito natatapos ang kanilang tungkulin sapagkat ang kababaihan ay naapektuhan din ng pagbabago sa sistema at dapat pinahahalagahan sa pantay na pamamaraan tulad ng ibang kasapi ng lipunan.

Likas sa tao na magkaroon ng hindi magandang pagtanggap sa pagpapatupad ng isang pagbabago sa pangaraw araw niyang gawain. Ito ang naging pinakamalaking hamon ng mga kababaihan sa kanilang pagsulong sa karapatang bumoto. Hindi tanggap ng lipunan, partikular na ang mga kalalakihan na ang kababaihan ay tatayo na sa sarili nilang mga paa upang magdesisyon para sa kung ano ang makabubuti at makasasama sa kanila. Mahirap isipin na ang kababaihan na minsan ay napakadepende lamang sa kalalakihan ay magkakaroon na ng boses sa lipunan. Ang pagkilos na ito ay mistulang banta sa tinatamasang kapangyarihan ng kalalakihan sa kababaihan. Gayunpaman, sa kabila ng pagtanggi ng pamahalaan ay hindi natinang ang kababaihan na isulong ang kanilang advocacy at pukawin ang emosyon ng tao na makiisa sa kanilang ipinaglalaban.

Ang determinasyon at magaling na pangunguna ni Alice Paul ang siyang nagdala sa kanila sa isang matamis na tagumpay. Ang karakter ni Alice Paul ay isang perpektong halimbawa ng Marangal na Babae. May paninindigan siya sa kaniyang prinsipyo, marunong siyang makinig sa kanyang mga kasapi, binigyan niya ng prayoridad ang kilusan bago ang kaniyang sariling interes at kaligayahn, at higit sa lahat naglakaas loob siya na magsalita sa ngalan ng lahat ng kababihan na noon ay natatakot iparating ang kanilang saloobin.

Sa pamamagitang ng pelikulang ito ay namulat ang mga manonood sa kahalagahan ng tinig ng bawat miyembro ng lipunan, ito man ay kalalakihan o kababaihan, sa pagbabago ng kalagayan ng bansa. Iisa lamang ang dakilang lumikha sa atin, walang karaparatan ang sinumang maliitin ang kayayahan ng kanyang kapwa. At sa halip na magagawan sa pagkamit ng kapangyarihan, mas makabubuting magkaisa at magtulungan na lamang para sa ikauunlad ng lipunan.

Maituturing na tagumpay ang kilusang ito hindi lamang dahil sa pagkamit ng kababaihan sa karapatang makaboto sa pambansang halalan, kundi dahil ito ang nagsilbin

g inspirasyon na maghikayat ng iba pang kababaihan na huwag matakot ipahayag ang kanilang damdamin. Ang mga modern-day Alice Paul, sa katauhan ng mga pinuno ng Gabriela at iba pang kilusang pangkababaihan, ang siyang naging pinakamalaking tagumpay ng pakikipaglaban na ito.